حديث ودار
الحديث النهاردة
مش عادي..
دة حوار ودار
مابين عيال
وبين صغار
وناس كبار.
بدأ الكلام
عمنا الحوت
ونادى في النفير
توت توت.
سمع هُس اتجمعوا
ناخد قرار .
حضر الفيل
اللي جاي ساحب
معاه زميل
يسند عليه
أصله غلبان
ووزنه تقيل.
فين الغراب.؟!
أنا جاي اهو
كنت بتمم
ع الشبابيك والباب.
أما صحيح ...
راجل غرااااب .
فجأة لقوا حد صغير
ومطرطأ ودانه
بيلعب هناك
جنب الفنار.
سألوا ع القط
القط غايب
وان غاب القط
العب يا فار .
المهم اتجمعوا
كل الحبايب.
وقبل مايبدأوا جلستهم .
لقوا السبع ومعاه
فهد والنمر وحواليهم
شوية ديابة كتار.
واقفين وراهم
ديدبان زنهار.
الحوت وشلته الغلابة
خافوا من شوية الديابة
قطموا الكلام ..وقاموا
ضربولهم تعظيم سلام.
بقلمي /عزة حسنى
تعليقات
إرسال تعليق